Gəncə Dövlət Universitetinin müəllimi elmi ada layiq görülüb.
Gencexeber.az-ın məlumatına görə, Azərbaycan Respublikası Prezidenti yanında Ali Attestasiya Komissiyasının qərarına əsasən, Gəncə Dövlət Universitetinin əməkdaşı, pedaqogika üzrə fəlsəfə doktoru Təhminə Ələmdar qızı Nəbiyeva dosent elmi adına layiq görülüb.
Gəncə Dövlət Universitetinin Ümumi pedaqogika kafedrasında çalışan Təhminə Nəbiyeva uzun illərdir elmi və pedaqoji fəaliyyətlə məşğuldur. Onun elmi fəaliyyəti və tədris sahəsindəki nailiyyətləri nəzərə alınaraq, ona pedaqogika elm sahəsinin 5804.01 – Ümumi pedaqogika, pedaqogikanın və təhsilin tarixi ixtisası üzrə dosent elmi adı verilib.
