Gəncə məktəblisi beynəlxalq olimpiadada uğur qazanıb.
Gencexeber.az-ın məlumatına görə, Gəncə Dünya Məktəbinin 9-cu sinif şagirdi Ramilə Əsgərova beynəlxalq STEM (Science, Technology, Engineering, Mathematics - Elm, Texnologiya, Mühəndislik və Riyaziyyat) olimpiadasında qızıl medala layiq görülüb.
İmtahan zamanı iştirakçıların elmi bilikləri, məntiqi və analitik düşünmə bacarıqları qiymətləndirilib. Yüksək nəticə göstərən Ramilə Əsgərova olimpiadanın qızıl medalını qazanaraq məktəbini və şəhərimizi uğurla təmsil edib.
Qeyd edək ki, Ramilə Əsgərova gəncəli şəhid Rauf Vaqif oğlu Əsgərovun qızıdır. Onun nailiyyətləri əsasən elm, ingilis dili və liderlik sahələrini əhatə edir. Gənc redaksiyamıza bildirib ki, gələcəkdə də Azərbaycanı beynəlxalq səviyyədə layiqincə təmsil etməyə çalışacaq.
