Xəbər verdiyimiz kimi, dünən, martın 12-si 2013-cü il təvəllüdlü X.Fərəzəliyeva binanın 9-cu mərtəbəsindən yıxılaraq ağır xəsarət alıb.
Gencexeber.az-a Gəncə şəhər Mərkəzi Kliniki xəstəxanasından bildirilib ki, azyaşlının vəziyyəti stabildir.
"Xəstə əməliyyat edilib, ümumi vəziyyəti stabildir. Sınıqları çoxdur, bu sınıqlar sonrakı mərhələdə müalicə olunacaq. Qanaxma dayandırılıb, xəstənin huşu özündədir. Əsas problem qarın boşluğundadır. Beyin ciddi zədə almayıb" - açıqlamada qeyd olunub.
Bildirək ki, hadisə Yeni Gəncə qəsəbəsində baş verib.
