Xəbər verdiyimiz kimi, Dövlət İmtahan Mərkəzi (DİM) martın 9-da tam orta təhsil səviyyəsi üzrə buraxılış imtahanı keçirib.
Gencexeber.az-a daxil olan çoxsaylı şikayətlərə görə, imtahanın suallarının həddindən artıq çətin olması iddia edilir. Bununla bağlı sosial şəbəkələrdə də narazılıqlar səngimək bilmir.
Redaksiyamıza müraciət edənlərdən biri də Gəncə şəhər 38 nömrəli tam orta məktəbin şagirdi Nicat Səfərov olub. O, imtahanla bağlı fikirlərini bölüşərək, bir çox abituriyentin nəticələrdən narazı qaldığını deyib.
Məktəblinin sözlərinə görə, imtahanda təqdim olunan suallar məktəbdə keçirilən dərslərlə müqayisədə xeyli çətin olub. Bu isə şagirdlər arasında ciddi narahatlıq yaradıb.
Nicat Səfərov bildirib ki, abituriyentlər aidiyyəti qurum tərəfindən məsələyə ədalətli yanaşma və obyektiv qərar verilməsini gözləyirlər.
