Fövqəladə Hallar Nazirliyinin (FHN) Gəncə Regional Mərkəzi tərəfindən "Yol-nəqliyyat hadisələri zamanı zərərçəkmişlərin xilas edilməsi" mövzusunda təlim keçirilib.
Gencexeber.az-a FHN-dən verilən məlumata görə, təlimə qurumun Gəncə Regional Mərkəzi və Gəncə şəhər Təcili və Təxirəsalınmaz Tibbi Yardım Stansiyasının müvafiq qüvvələri cəlb olunub.
Təlim zamanı şərti olaraq baş vermiş nəqliyyat qəzası ilə əlaqədar "hadisə yerinə" operativ çatan xilasedicilər xüsusi xilasetmə vasitələrindən istifadə etməklə deformasiyaya uğramış avtomobildən "zərərçəkmişləri xilas edərək" onlara "təxirəsalınmaz ilkin yardım göstərib" və təcili tibbi yardım briqadasına təhvil veriblər.
Sonda təlimin nəticələrinin təhlili aparılıb, müvafiq tapşırıqlar verilib.
