Sosial şəbəkələrin fenomeni Nihat Səfərov barədə yayılan məlumatlar ziddiyyətlidir – özü sağ olduğunu iddia edir, amma kadrların vaxtı bəlli deyil.
Gencexeber.az xəbər verir ki, sosial şəbəkələrin fenomeninə çevrilmiş gəncəli Nihat Səfərovun vəfat etməsi ilə bağlı iddialar son günlər geniş müzakirələrə səbəb olub.
Sosial platformalarda onun adının çəkildiyi yol-nəqliyyat hadisəsi ilə bağlı müxtəlif versiyalar yayılıb. İddialara görə, Səfərov motosikletlə hərəkətdə olarkən qəza keçirib və hadisə yerində dünyasını dəyişib. Paralel olaraq bəzi paylaşımlarda bildirilib ki, o, həqiqətən də qəza keçirib, lakin xəsarətləri yüngüldür və həyati təhlükəsi yoxdur.
Məsələyə daha da aydınlıq gətirən bir video isə bu günlərdə yayımlanıb. Sözügedən kadrlarda Nihat Səfərovun özü görünür və o, sağ olduğunu deyir. Bununla belə, kadrların dəqiq olaraq nə vaxt çəkildiyi barədə rəsmi məlumat yoxdur.
Redaksiyamız tərəfindən aparılan ilkin araşdırmalar nəticəsində Nihat Səfərovun həyatını itirməsi ilə bağlı təsdiqlənmiş heç bir fakta rast gəlinməyib. Hazırda onun səhhətinin normal olduğu güman edilir.
Mövzu ilə bağlı əlavə məlumat olduqda xəbər yenilənəcək.
Qeyd edək ki, Nihat Səfərov Britaniyanın məşhur "Peaky Blinders" serialının baş qəhrəmanı Tomas Şelbidən ilham alaraq, 1920-ci illərin Avropa kişi dəbinə uyğun geyim tərzi və qəribə səs tonu ilə tanınmağa başlayıb.
