Türkiyənin Burdur şəhərində şəhidlərimizin ruhuna ehsan təşkil olunub.
Gencexeber.az-ın məlumatına görə, tədbir Burdur Mehmet Akif Ersoy Universitetində magistr təhsili alan Ülvi Alzamanovun təşəbbüsü ilə təşkil olunub. Sözügedən tədbir gəncəli vətənpərvər tərəfindən qardaş ölkədə ardıcıl beşinci dəfə baş tutur. Onunla birlikdə Burdurda təhsil alan azərbaycanlı tələbələr isə maddi dəstək olublar.
Tələbə bildirib ki, bu addım Şəhidlərin əziz xatirəsinə olan ehtiramın bir nümunəsidir və Türkiyədə yaşayan bütün azərbaycanlı gənclər üçün xüsusi mənəvi əhəmiyyət daşıyır.
Qeyd edək ki, Ülvi Alzamanov Gəncə şəhər sakinidir. O, Gəncə şəhər 17 nömrəli tam orta məktəbin məzunudur. O, 2001-ci il təvəllüdlüdür və hazırda Turizm ixtisası üzrə magistratura təhsilinin ikinci kursunda oxuyur.
