Gəncəli idmançı beynəlxalq arenada uğura imza atıb.
Gencexeber.az-ın məlumatına görə, Azərbaycan Dövlət Dəniz Akademiyasının 3-cü kurs tələbəsi Yunanıstanın Afina şəhərində uşu sanda üzrə keçirilən "International Acropolis Wushu Tournament" beynəlxalq turnirində ölkəmizi layiqincə təmsil edib. O, 65 kq çəki dərəcəsində 18+ yaş kateqoriyasında mübarizə apararaq 3 rəqibinə qalib gəlib.
2006-cı il təvəllüdlü gənc qızıl medal və kubokla təltif edilib.
Qeyd edək ki, Yusif İbrahimov daha əvvəl Türkiyənin Ədirnə şəhərində keçirilən Beynəlxalq Balkan çempionatı və Avrasiya kuboku yarışında da uğur qazanaraq bürünc medal əldə edib. Bundan əlavə, idmançı hazırda müxtəlif yarışlarda Respublika dərəcəli hakim kimi də fəaliyyət göstərir.
Məlumat üçün bildirək ki, Yusif İbrahimov Gəncə şəhər Fizika, riyaziyyat və informatika təmayüllü liseyin məzunudur.
