Gəncəli teatrşünas-tənqidçi Anar Ərtoğrul Burcəliyev Azərbaycan Teatr Xadimləri İttifaqının təsis etdiyi "Teatr fədaisi" medalı ilə təltif edilib.
Gencexeber.az-ın məlumatına görə, o, bu mükafata 27 mart – Beynəlxalq Teatr günü münasibətilə uzun müddətli səmərəli yaradıcılıq fəaliyyətinə görə layiq görülüb.
Medal Azərbaycan Teatr Xadimləri İttifaqının sədri, Respublikanın Xalq artisti, professor Hacı İsmayılov tərəfindən təqdim edilib.
Qeyd edək ki, teatrşünas-tənqidçi Anar Ərtoğrul Burcəliyev dövrü mətbuatda 450-dən artıq məqalə, ressenziya, oçerk, müsahibələrin, eləcə də 23 kitabın müəllifidir.
