Bu gün şəhidimiz Elmar Məmmədovun doğum günüdür.
Gencexeber.az xatırladır ki, Elmar Saleh oğlu Məmmədov 18 avqust 1999-cu ildə Gəncədə doğulub. 17 nömrəli tam orta məktəbi bitirib. 2017-ci ildə həqiqi hərbi xidmətə çağırılıb. 2020-ci ilin sentyabr ayında Azərbaycan Ordusunda keçirilən hərbi təlimlərə cəlb olunub.
27 sentyabr tarixində o, Xocavənd rayonunun Ağoğlan (Hadrut), Füzuli, Qubadlı və Xocavənd rayonlarının azadlığı uğrunda gedən döyüşlərdə vuruşub. 9 noyabr 2020-ci ildə Xocavənd uğrunda gedən döyüşlərdə şəhidlik zirvəsinə ucalıb.
Şəhidimiz 21 noyabr 2020-ci ildə Gəncədə Şəhidlər xiyabanında dəfn olunub.
O, Prezident tərəfindən "Vətən uğrunda", "Döyüşdə fərqləndiyinə görə" və "Xocavəndin azad olunmasına görə" medalları ilə təltif olunub.
