Azərbaycan şahmatçısı Vüqar Rəsulov Türkiyənin Çeşmə şəhərində keçirilən beynəlxalq turnirdə beşinci yeri tutub.
Gencexeber.az bildirir ki, o, IX turda yunanıstanlı Dimitris Aleksakislə bərabərə qalıb.
Rəsulov və digər dörd iştirakçı yarışı yeddi xalla başa vurub. Əlavə əmsallara görə şahmatçımız beşinci, Aleksakis isə birinci yeri tutub.
Turnirdə Hindistan, Polşa, Norveç, İran, Rusiya, Almaniya və digər ölkələrdən ümumilikdə 162 zəka sahibi iştirak edib.
Qeyd edək ki, Vüqar Rəsulov 1991-ci ilin 5 aprelində Gəncədə anadan olub.
