Tibb Universitetini qırmızı diplomla bitirən gəncəli məzun uğura imza atıb.
Gencexeber.az məlumat verir ki, Ramal Təbib oğlu Vəlizadə avqustun 9-u rezidenturaya qəbul imtahanının II mərhələsində 93 bal toplayaraq ölkə üzrə ən yüksək nəticə qazanıb və "ölkə birincisi" adına layiq görülüb.
Qeyd edək ki, Ramal Vəlizadə 2020-ci ildə Gəncə şəhər A.S.Puşkin adına 9 nömrəli tam orta məktəbi fərqlənmə ilə bitirib. Həmin il keçirilən ali məktəblərə qəbul imtahanında 655 bal toplayaraq Azərbaycan Tibb Universitetinə qəbul olub.
6 illik təhsil illərində yüksək akademik göstəriciləri ilə seçilən Ramal Vəlizadə universiteti yüksək nəticələrlə başa vuraraq qırmızı diploma layiq görülüb.
