"Sabahın alimləri" XV Respublika Layihə Müsabiqəsində şagirdlərimiz qızıl medala layiq görülüblər.
Gencexeber.az bildirir ki, bununla bağlı Gəncə-Daşkəsən Regional Təhsil İdarəsi məlumat yayıb.
Qızıl medal alan şagirdlər:
Gəncə şəhər Fizika, Riyaziyyat və İnformatika təmayüllü liseyin şagirdləri Əkbər Bağırov və Yaşar Səfərəliyev, Gəncə şəhər Ə.Cavad adına 2 nömrəli tam orta məktəbin şagirdi Səlman Sadıxzadə və Gəncə şəhər M.C.Paşayev adına 39 nömrəli tam orta məktəbin şagirdi Ömər Abdullayev.
Qeyd edək ki, müsabiqənin əsas məqsədi ölkəmizdə fəaliyyət göstərən ümumi təhsil müəssisələrinin IX–XI siniflərində təhsil alan şagirdlərin elmi axtarışlara sövq edilməsi, onların elmi və yaradıcılıq fəaliyyətinin stimullaşdırılması, həmçinin riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri, robototexnika və süni intellekt istiqamətləri üzrə elmi-tədqiqat fəaliyyətinə marağı olan istedadlı şagirdlərin aşkar edilməsidir.
