Türkiyədə şəhidlərimizin adına ehsan paylanılıb.
Gencexeber.az məlumat verir ki, gənclərimiz Düzcə şəhərində şəhidlərimizin ruhuna ehsan veriblər. Tədbir Gəncə şəhər sakinləri – 19 yaşlı Ayxan Gülməmmədov, 18 yaşlı Cəfər Əhmədov və Dilqəm Həsənov, eləcə də 17 yaşlı Hüseyn Həsənov tərəfindən təşkil edilib.
Onlar şəhidlərin xatirəsini anmaq, həmçinin Azərbaycan–Türkiyə qardaşlığını bir daha nümayiş etdirmək məqsədilə ehsan tədbiri təşkil ediblər.
Qeyd edək ki, Ayxan Gülməmmədov Gəncə şəhər N.Nərimanov adına 25 nömrəli tam orta məktəbin, Hüseyn Həsənov Gəncə şəhər İsmət Qayıbov adına 1 nömrəli tam orta məktəbin, Cəfər Əhmədov Gəncə şəhəri C.Cabbarlı adına 6 nömrəli tam orta məktəbin, Dilqəm Həsənov isə Gəncə şəhər 31 nömrəli tam orta ümumtəhsil məktəbin məzunlarıdır.
