Azərbaycan Respublikasının Gənclər və İdman Nazirliyinin Strongman Federasiyasının yığma komandasının üzvü, Gəncə şəhərindən olan Əli Əliyev beynəlxalq arenada növbəti uğura imza atıb.
Gencexeber.az məlumat verir ki, Ə.Əliyev 140 kq çəki dərəcəsində 40 ölkədən 500-dən çox idmançının qatıldığı Çexiyanın Trutnov şəhərində keçirilən Avropa çempionatında ölkəmizi təmsil edib. Dəfələrlə dünya və Avropa çempionu olan güc sahibimiz yarışın yekununda qitə çempionu tituluna layiq görülüb.
Qeyd edək ki, Əli Əliyev hazırda Gəncə şəhər Baş Polis İdarəsinin 1-ci Polis şöbəsinin Post Patrul Xidməti tağımında polis nəfəri işləyir. O, qazandığı bu böyük uğuru Azərbaycanın azadlığı, suverenliyi və ərazi bütövlüyü uğrunda şəhid olan polis həmkarlarının əziz xatirəsinə həsr etdiyini bildirib.
