Gəncə Dövlət Milli Dram Teatrının aktrisası Zəminə Cəfərova Azərbaycan teatr sənətinin inkişafındakı xidmətlərinə, həmçinin Azərbaycan–Gürcüstan teatrlarının birgə layihəsi olan "Kukaraça" tamaşasında Marqo rolunun uğurlu ifasına görə mükafatlandırılıb.
Gencexeber.az bildirir ki, o, Azərbaycan Teatr Xadimləri İttifaqının təsis etdiyi "Qızıl Dərviş" mükafatına layiq görülüb.
Qeyd edək ki, "Kukaraça" tamaşasının quruluşçu rejissoru Gürcüstan Respublikasının əməkdar incəsənət xadimi, Ozurgeti Milli Dram Teatrının bədii rəhbəri Vasili Çikokidze, layihənin rəhbəri Azərbaycan Akademik Musiqili Teatrının direktoru Aqil Bəhramlı, koordinatoru isə Yusif Cəfərovdur.
