2026/2027-ci tədris ili üçün ali təhsil müəssisələrinin II ixtisas qrupu üzrə qəbul planına əsasən, illik təhsil haqqı məbləğlərində dəyişikliklər müşahidə olunur. Bir sıra universitetlər ötən illə müqayisədə ödənişləri artırıb, bəzi ali məktəblərdə isə məbləğlər əvvəlki səviyyədə saxlanılıb.
Gəncədə yerləşən universitetlərdə də məbləğlər stabil qalıb.
Azərbaycan Dövlət Aqrar Universitetində biznesin idarə edilməsi 1800 manat, əsas iqtisadiyyat proqramı 1800 manat, maliyyə 1800 manat, menecment 1800 manat olaraq qalıb. Marketinq də 1800 manatdır. Burada əsas II qrup ixtisaslarında təhsil haqları sabit saxlanılıb.
Gəncə Dövlət Universitetində biznesin idarə edilməsi üzrə təhsil haqqı 2000 manat, iqtisadiyyat üzrə 2000 manat, maliyyə üzrə 1800 manat, marketinq üzrə 2000 manat, menecment və mühasibat üzrə 1800 manatdır. Bu göstəricilərin əksəriyyəti 2025-ci illə müqayisədə dəyişməyib.
Azərbaycan Texnologiya Universitetində beynəlxalq ticarət və logistika 1500 manat, biznesin idarə edilməsi 1500 manat, iqtisadiyyat 1500 manat, marketinq 1500 manat, menecment 1500 manat olaraq saxlanılıb. Turizm işinin təşkili üzrə əsas proqramın təhsil haqqı 2025-ci ildə 1650 manat olduğu kimi 2026-cı ildə də 1650 manatdır.
