Gəncə şəhərinin Poçt qəsəbəsində yerləşən binalardan birinin arxa hissəsində zibil tullantılarının yığılması əhalini narahat edir.
Gencexeber.az-a müraciət edən sakinlər bildiriblər ki, yaxınlıqda fəaliyyət göstərən supermarketin tullantıları bu əraziyə atılır.
Şikayətçilərin sözlərinə görə, məsələ dəfələrlə mağaza sahiblərinə bildirilsə də, heç bir tədbir görülməyib:
“Artıq bir neçə dəfə market rəhbərliyinə şikayət etmişik, amma nəticə yoxdur. Bütün zibillər yaşadığımız binanın arxasına atılır. Yığılan tullantılar səbəbilə bir dəfə qəza vəziyyəti də yaranıb. Məsul qurumlardan məsələnin araşdırılmasını, ərazidə nəzarətin gücləndirilməsini tələb edirik”.
