Gəncə şəhərinin Mirzə Abbas Abbaszadə küçəsində zibillərin küçəyə atılması ciddi narazılığa səbəb olub.
Sakinlərin Gencexeber.az-a verdiyi məlumata əsasən, əraziyə mütəmadi şəkildə tullantılar atılır, bu da kəskin qoxunun yaranmasına və mikrobların yayılmasına yol açır.
“Məsələ ilə bağlı aidiyyəti qurumlara dəfələrlə müraciət olunmasına baxmayaraq, hələ də problem öz həllini tapmayıb. Ərazidə xəstə adamlar, azyaşlılar yaşayır, bu cür antisanitar vəziyyət onlar üçün xüsusi risk daşıyır. Aidiyyəti qurumlardan təcili tədbirlərin görülməsini tələb edirik”, - şikayətçi sakinlər bildirib.
