Xəbər verdiyimiz kimi, Gəncənin bir sıra yaşayış massivləri və şəhərin mərkəzini əhatə edən bir neçə ərazi məişət tullantıları ilə çirkləndirilib.
Gencexeber.az-ın məlumatına görə, Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən "Sevən Ürəklər" şadlıq sarayının yanı, Məhəmməd Hüseyn Şəhriyar, Mehdi Hüseyn və Məmmədbağır bəy Şeyxzamanov küçələri, həmçinin Yeni Gəncə qəsəbəsində yerləşən 2 nömrəli tam orta məktəbin arxasındakı ərazi və Gəncə Dövlət Filarmoniyasının arxa hissəsi təmizlənib.
MKTİB-nin əməkdaşları və texnikası vasitəsilə adıçəkilən ünvanda yerləşən konteynerlər boşaldılıb, ətrafları səliqəli şəklə salınıb. İsti hava şəraitində ətrafa kəskin qoxunun yayılmasının qarşısı alınıb, yaranan antisanitar vəziyyət aradan qaldırılıb.
