Gəncə şəhərində nəqliyyat sektorunda 2025-ci ilin yanvar-mart aylarında artım müşahidə olunub.
Gencexeber.az-a Gəncə Şəhər Statistika İdarəsindən verilən məlumatına əsasən, cari ilin ilk üç ayında nəqliyyat müəssisələri və fiziki şəxslər tərəfindən 1,4 milyon ton yük və 23,6 milyon sərnişin daşınıb. Bu rəqəmlər ötən ilin eyni dövrü ilə müqayisədə müvafiq olaraq 7,8 faiz və 5,0 faiz artım deməkdir.
Yük və sərnişin daşımalarında müşahidə olunan bu artım şəhərdaxili və şəhərlərarası nəqliyyat xidmətlərinə olan tələbatın yüksəldiyini göstərir.
