Gəncə şəhərində yol-nəqliyyat hadisəsi baş verib.
Gencexeber.az-ın məlumatına görə, hadisə şəhərin Nizami prospektində qeydə alınıb. İlkin məlumata görə, "MAN" markalı yük maşını ilə "VAZ-2107" markalı minik avtomobili toqquşub.
Qəza nəticəsində xəsarət alan olmayıb. "VAZ-2107" markalı avtomobilə ciddi ziyan dəyib. Toqquşmanın təsirindən nəqliyyat vasitəsi xeyli əzilib.
Hadisə səbəbindən Nizami prospektində nəqliyyatın hərəkətində qısa müddətli sıxlıq müşahidə olunub. Əraziyə cəlb olunan aidiyyəti qurumların əməkdaşları tərəfindən avtomobillərin yoldan kənarlaşdırılması ilə hərəkət bərpa edilib.
Faktla bağlı araşdırma aparılır.
