Gəncə yollarının çala-çuxuru bitib tükənmir.
Gencexeber.az-a daxil olan şikayətə əsasən, bu dəfə şəhərin Şah İsmayıl Xətai küçəsində yaranan iri çuxurlar sürücülər üçün maneə yaradır.
Şikayətçi bildirir ki, yoldakı çala-çuxurun çoxluğu qəza riskini artırır:
“Şəhərin mərkəzi küçəsinin bu vəziyyətdə olması çox acınacaqlı haldır. Bir neçə gün əvvəl həmin çuxurlar səbəbindən maşınım zədələndi, qəzadan isə son anda qurtuldum. Gəncənin əksər küçələri bu vəziyyətdədir. Aidiyyəti qurumlardan xahiş edirəm ki, heç olmasa mərkəzi yolları təmir etsinlər, asfalt örtüyünü yeniləsinlər”.
