Gəncədə asfalt örtüyündə iri çuxur əmələ gəlib.
Gencexeber.az məlumat verir ki, hadisə şəhərin Təbriz küçəsində qeydə alınıb. Yolun çökməsi səbəbilə, sözün əsl mənasında, quyu əmələ gəlib. Fərqli istiqamətlərdə isə çatlar yaranıb.
Onlardan biri 211 nömrəli həyət evinin məhəlləsinədək uzanıb. Sakinlərin sözlərinə görə, bu, ilk belə hadisə deyil. Oxşar hal bir neçə il bundan əvvəl də baş verib:
“İllər öncə bu cür hadisə olub. Öz hesabımıza düzəltmişik. Yenə oldu. Bilmirik kimə müraciət edək. Çat böyüməyə davam etsə binamızın bünövrəsinə nüfuz edəcək. Evsiz qala bilərik”.
