Gəncə ərazisində güllərin əkini aparılır.
Gencexeber.az-a Gəncə şəhər Kommunal Təsərrüfatı İstehsalat Birliyi tərəfindən verilən məlumata görə, qurumun Yaşıllaşdırma şöbəsinin Gülçülük sahəsindəki müasir istixanalarda, yerli mütəxəssislər tərəfindən yetişdirilən yaz güllərinin şəhərin küçə və prospektlərinə, eləcə də park və xiyabanlarına köçürülməsinə başlanılıb.
Qış mövsümündən başlayaraq əvvəlcə müxtəlif gül toxumlarından əldə olunan şitillər kök verəndən sonra torf qarışıq münbit torpaqlı qablara, daha sonra isə şəhərimizin müxtəlif ərazilərinə əkini aparılır. İlkin olaraq Heydər Əliyev prospektində yerləşən yolayırıcı dairəyə, Cavad xan küçəsinə və Gəncə Dövlət Filarmoniyasının qarşısına baharın müjdəçilərinin əkini aparılıb. Aksiya çərçivəsində mövcud yaşıllığa aqrotexniki qulluq göstərilib, suvarılması təmin edilib.
