Gəncə şəhəri Nizami Bələdiyyəsinin ərazisində yerləşən 2 nömrəli Xristian qəbiristanlığı baxımsız və acınacaqlı vəziyyətdədir.
Gencexeber.az-a sözügedən məsələ ilə bağlı şikayətini bildirən şəhər sakininin sözlərinə görə, ərazi uzun müddətdir təmizlik və abadlıq işlərindən kənarda qaldığından, qəbirlər və yollar demək olar ki, otların arasında itib-batıb.
Gəncədə yaşayan xristian ailələrinin üzvləri yaxınlarının məzarlarını ziyarət etməkdə çətinliklərin artdığını bildirirlər. Əlavə olunub ki, həm yol infrastrukturu, həm də ümumi baxımsızlıq ciddi narazılıq yaradır. Onlar aidiyyəti qurumlardan qəbiristanlıqda təmizlik və abadlıq tədbirlərinin görülməsini arzu edirlər.
