Gəncədə narkoloji dispanserin vəziyyəti acınacaqlıdır.
Gencexeber.az-ın məlumatına görə, Səhiyyə Nazirliyinin tabeliyində fəaliyyət göstərən Gəncə Şəhər Narkoloji Dispanserin binası istifadə üçün yararsızdır. Müəssisədə yalnız həkim otaqlarında kosmetik təmir işləri aparılıb. Xəstələrin müalicə aldığı palatalar isə bərbad vəziyyətdədir.
Sanitar qovşaqlar, həyətinin durumu və sovet dövründən təmir edilməyən bina xəstəxananın normal fəaliyyəti üçün uyğun deyil.
Tikilinin bəzi hissələri uçub, döşəməsi sıradan çıxıb. Bundan başqa, dispanserdə işıqlandırma sistemi də demək olar ki, işləmir.
