Gəncədə gənclər üçün təhsil yönümlü tədbir keçiriləcək.
Gencexeber.az-ın məlumatına görə, "Edu Global" şirkətinin təşkilatçılığı ilə sabah, aprelin 11-də saat 16:00-da "Gəncə qalası" ticarət kompleksində konsert və maarifləndirici proqram təşkil olunacaq. Tədbirdə populyar müğənnilər Vaqo və Mahru çıxış edəcəklər.
Bildirilib ki, tədbirin əsas mövzusu təhsil olacaq. Proqram çərçivəsində tələbə və abituriyentlər üçün müxtəlif imkanlar yaradılacaq. Belə ki, iştirakçılar arasında müsabiqələr keçiriləcək, biliyinə güvənən və xaricdə təhsil almağı arzulayan gənclərə şans veriləcək.
Məlumata görə, seçilən 1 nəfərin xaricdə təhsil alması şirkət tərəfindən tam təmənnasız şəkildə təmin ediləcək. Həmin şəxs təhsil almaq imkanı əldə edəcək.
Bundan əlavə, iştirakçılara pulsuz dil kursları üçün kuponlar və müxtəlif elektron əşyalar hədiyyə olunacaq.
Qeyd edək ki, tədbirdə iştirak tamamilə pulsuzdur və giriş sərbəstdir.
