Azərbaycan Texnologiya Universiteti, Azərbaycan Basketbol Federasiyası (ABF) və "Rövşən Oğuz Qrup" MMC-nin birgə təşkilatçılığı ilə Ümummilli Lider Heydər Əliyevin anadan olmasının 102 illiyinə həsr olunmuş universitetlərarası basketbol turnirinin açılışı baş tutub.
Gencexeber.az bildirir ki, yarışa püşkatma ilə start verilib.
İki gün davam edəcək yarışı ABF hakimlər kollegiyasının müvafiq lisenziyasına malik meydan və masa hakimləri idarə edir.
Kubok uğrunda Azərbaycan Texnologiya Universiteti (ATU), Azərbaycan Dövlət Aqrar Universiteti (ADAU), Gəncə Dövlət Universiteti (GDU) və Mingəçevir Dövlət Universitetinin (MDU) komandaları mübarizə aparır.
İlk oyun Azərbaycan Texnologiya Universiteti və Mingəçevir Dövlət Universitetinin komandaları arasında baş tutub və ATU-nun qələbəsi ilə bitib - 119:37.
