Gəncədə Zəfər Günü münasibətilə möhtəşəm konsert proqramı təşkil olunacaq.
Gencexeber.az xəbər verir ki, 8 noyabr tarixində baş tutacaq tədbir Gəncə şəhərinin Heydər Əliyev adına meydanında, yəni Gəncə Şəhər İcra Hakimiyyətinin inzibati binasının qarşısında keçiriləcək.
Vüsalə Əlizadənin aparıcı olduğu konsert proqramına saat 19:00-da start veriləcək. Gecə boyu səhnədə Azərbaycanın tanınmış sənətçiləri çıxış edəcək, proqramın sonunda isə möhtəşəm atəşfəşanlıq nümayiş olunacaq.
Səhnəyə çıxacaq ifaçılar:
- Lalə Məmmədova;
- Çingiz Mustafayev;
- Leyla Rəhimova;
- İlkin Dövlətov;
-Hüseyn Abbasov;
- Samirə Hacıyeva;
- Kəmalə Tağızadə;
- Vasif Bayramov;
- Mehparə Cəfərova.
Bundan əlavə, Gəncə Dövlət Filarmoniyasının "Göygöl" rəqs ansamblı və "Xəmsə" uşaq rəqs ansamblı da çıxış edəcək.
