Türkiyənin tanınmış tarixçisi və alimi İlbər Ortaylı xəstəxanaya yerləşdirilib.
Gencexeber.az məlumat verir ki, bu barədə alimin rəsmi "Instagram" hesabında paylaşım edilib. Bildirilib ki, o hazırda reanimasiya şöbəsində müalicə alır və səhhəti stabildir.
Qeyd edək ki, İlbər Ortaylı yalnız elmi fəaliyyəti ilə deyil, televiziya çıxışlarında Azərbaycan və xüsusilə Gəncə haqqında söylədiyi xoş sözlərlə də böyük rəğbət qazanıb.
Məlumata görə, alimin xalası Zeynəb Şirinski və həyat yoldaşı İslam bəy sovetlərin təqiblərindən xilas olmaq üçün bir vaxtlar Gəncədə məskunlaşıblar. Onların nikahından dünyaya gələn xalası qızı Səadət Həsənova hazırda Gəncə şəhərində yaşayır.
İlbər Ortaylı Gəncəyə səfəri zamanı xalası qızı ilə görüşündən səmimi görüntüləri sosial şəbəkələrdə də paylaşmışdı.
