Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin Gülçülük sahəsindəki müasir istixanalarda, yerli mütəxəssislər tərəfindən yetişdirilən yaz güllərinin şəhərin küçə və prospektlərinə, park və xiyabanlarına köçürülməsi işləri davam etdirilir.
Gencexeber.az bildirir ki, bu dəfə gül əkini aksiyası şəhərin qərb və şərq istiqamətindəki girişlərində həyata keçirilib.
Sözügedən ərazilərdə primula, pion, geran və levkoy gülləri əkilib. Aksiya çərçivəsində MKTİB-nin Yaşıllaşdırma şöbəsinin əməkdaşları tərəfindən mövcud və yeni yaşıllıqlara aqrotexniki qulluq göstərilib, suvarılması təmin edilib. Qeyd edək ki, gül əkini kamapniyası şəhərin müxtəlif ərazilərində qarşıdakı günlərdə də davam etdiriləcək.
