Gəncə şəhərində ictimai nəqliyyatdan istifadə edən vətəndaşların rahatlığının artırılması istiqamətində yenilik tətbiq olunub.
Gencexeber.az məlumat verir ki, artıq şəhərin avtobus marşrutları ilə bağlı məlumatlar "Google Maps" xəritə platformasında yer alıb.
Azərbaycan Yerüstü Nəqliyyat Agentliyi tərəfindən "AYNA MaaS" tətbiqində yerləşdirilən məlumatların "Google Maps" platformasına inteqrasiyası nəticəsində Gəncə şəhərində fəaliyyət göstərən avtobus marşrutlarının istiqamətləri, dayanacaqlar və hərəkət xətləri barədə məlumatları bu platforma vasitəsilə əldə etmək mümkündür.
