Gəncədə dağılan yol örtüyü təhlükə saçır.
Gencexeber.az-ın məlumatına görə, şəhərin "Pasyolka" adlanan ərazisində asfalt örtüyü dağılıb. Yolun təxminən 2 metr uzunluğunda hissəsi çöküb, çuxurun dərinliyi isə təxminən 20 santimetr təşkil edir.
Mövcud vəziyyət sürücülər üçün ciddi problem yaradır. Belə ki, hərəkətdə olan avtomobillər çuxura düşdükdə nəqliyyat vasitələrinin asqı sisteminə qəfil və güclü zərbələr dəyir.
Sürücülərin sözlərinə görə, bu səbəbdən bəzi hallarda avtomobillərin təkərləri cırılır, diskləri isə əyilir.
Sakinlər və sürücülər problemin qısa zamanda aradan qaldırılmasını və yolun təmir olunmasını istəyirlər.
