Gəncədə şəhid Tunar Əliyevin adına inşa edilən bulağın açılışı olub.
Gencexeber.az məlumat verir ki, 1999-cu il təvəllüdlü Tunar Vətən müharibəsi zamanı Ermənistan silahlı qüvvələri tərəfindən Gəncə şəhərinə atılan ballistik raket nəticəsində şəhidlik zirvəsinə ucalıb.
Tədbir şəhərin Əmir Nəcib Gəncəvi küçəsində baş tutub. Mərasimdə şəhidin ailə üzvləri, yaxınları, qonşuları və məktəblilər iştirak ediblər.
İlk olaraq çıxış edən şəhidin atası tədbir iştirakçılarına təşəkkürünü bildirib. O, bütün şəhidlərə Allahdan rəhmət diləyərək onların xatirəsinin daim uca tutulduğunu qeyd edib. Daha sonra şəhid bulağının açılışı həyata keçirilib. Şəhidin atası ehsan bulağından su içərək mərasimi davam etdirib.
