Gəncə şəhər Mənzil Kommunal Təsərrüfatı İstehsalat Birliyinin (MKTİB) Təmir-Tikinti və Təchizat şöbəsi şəhər ərazisində yaşayış və qeyri yaşayış binalarının qəzalı vəziyyətdə olan eyvanlarında, dam örtüklərində, həmçinin novdanlarında təmir-bərpa işlərini davam etdirir.
Gencexeber.az bildirir ki, MKTİB-in balansında olan 2 saylı yataqxanada eyvanın qəzalı vəziyyətdə olması nəzərə alınaraq, eyvanda qaynaq və digər bərkitmə işləri görülüb, mövcud nasazlıqlar aradan qaldırılıb. Qeyd edək ki, bir müddət əvvəl güclü külək nəticəsində yataqxana binasının dam örtüyünün bir hissəsi tamamilə qoparaq yararsız hala düşmüşdü, həyata keçirilən təmir işləri nəticəsində binanın dam örtüyü tam bərpa edilib.
MKTİB-nin Təmir-Tikinti və Təhcizat şöbəsi tərəfindən, həmçinin Heydər Əliyev prospektində sıradan çıxan yol kənarındakı bordürlar yeniləri ilə əvəzlənib.
