Gəncədə gecə saatlarında yağan leysan xarakterli yağış Məhsəti qəsəbəsində ciddi problemlərə yol açıb.
Gencexeber.az-ın məlumatına əsasən, yağış suları qəsəbənin küçələrini yuyub, evlərə dolub.
Şikayətçi sakinlər deyir ki, hər dəfə yağış yağanda qəsəbə iflic vəziyyətə düşür:
“Qəsəbədəki 10-dan artıq evə su dolub. Buna baxmayaraq qəsəbənin yağış sularından təmizlənməsi üçün aidiyyəti qurumlar hərəkətə keçmir.
Əraziyə cəmi bir texnika cəlb olunub, sakinlər çıxılmaz vəziyyətdə qalıb”.
