Gəncənin Hacı Zeynalabdin Tağıyev küçəsində istirahət güşəsindəki şəhid Bəxtiyar Əliyevin adını daşıyan bulağın ətrafı baxımsız vəziyyətə düşüb.
Sakinlərin Gencexeber.az-a verdiyi məlumata görə, ərazidə zibil qablarının olmaması məişət tullantılarının birbaşa avtomobil yolunun hərəkət hissəndə yığılması ilə yekunlaşır. Nəticədə həm bulağın ətrafında, həm də istirahət guşəsinin ərazisində antisanitar vəziyyət yaranıb.
Bundan əlavə, guşədə uşaqların istifadəsi üçün quraşdırılmış oyun avadanlıqlarının da yararsız vəziyyətdə olduğu bildirilir. Sakinlər qeyd edirlər ki, attraksionların bir hissəsi sınıb, bir hissəsi isə istifadəyə təhlükə yaradır.
Onlar ərazidə zibil konteynerlərin yerləşdirilməsini, istirahət guşəsinin təmizlənməsini və uşaq oyun meydançasının təmir edilərək təhlükəsiz vəziyyətə gətirilməsini aidiyyəti qurumlardan xahiş edirlər.
