Gəncə şəhəri, Zülfü Hacıyev küçəsi 54 ünvanındakı sakinlər yaşadıqları binanın qarşısındakı vəziyyətindən narazıdırlar.
Sakinlər məsələ ilə bağlı Gencexeber.az-a müraciət edərək bildiriblər ki, uzun illərdir binanın qarşısında abadlıq işləri aparılmır. Onların sözlərinə görə, həyətin vəziyyəti günü-gündən daha da pisləşir.
Şikayətçilər qeyd edirlər ki, ərazidə yaranan iri çuxurlar səbəbindən həyətdə gəzmək çətinləşib.
Sakinlərin sözlərinə görə, məsələ ilə bağlı dəfələrlə aidiyyətə quruma müraciət etsələr də, həlli istiqamətində heç bir addım atılmayıb. Onlar aidiyyəti qurumlardan abadlıq işlərinin aparılmasını tələb edirlər.
