Gəncədə bir neçə gün öncə dekorativ gül dibçəklərinin oğurlanması ilə gündəmə gələn qadın, bu dəfə də eyni ərazidə analoji hadisə törədib.
Gencexeber.az-a görüntüləri təqdim edən salon sahibi bildirib ki, Heydər Əliyev prospektində yerləşən “Gəncə Lazer Studio”nun qarşısına qoyulan gül dibçəyi mayın 10-u saat 21:11 radələrində yenidən oğurlanıb. İddialara görə, bu əməli bir neçə gün əvvəl iki qadın və bir uşaqdan ibarət qrup şəklində eyni əməli törədən şəxslərdən biri həyata keçirib.
Müşahidə kameralarına düşən kadrlarda orta yaşlı qadının dibçəyi götürərək ərazidən uzaqlaşdığı aydın görünür.
“Mən belə bir həyasızlığa ilk dəfə şahid oluram. Bütün Gəncə onu Gencexeber.az-da gördüyü halda, həmin qadın heç nədən çəkinmədən yenə gəlib güllərimi aparıb,” – deyə obyekt sahibi öz narazılığını ifadə edib.
