Gəncə şəhər Mənzil Kommunal Təsərrüfatı İstehsalat Birliyinin (MKTİB)Təmir-Tikinti və Təchizat şöbəsi tərəfindən şəhər ərazisində yaşayış və qeyri-yaşayış binalarının qəzalı vəziyyətdə olan dam örtüklərində, həmçinin novdanlarında təmir-bərpa işləri həyata keçirilir.
Gencexeber.az məlumat verir ki, vətəndaş müraciətləri əsasında tərtib edilmiş iş qrafikinə uyğun olaraq İsaq Cəfərov küçəsi bina 6, Gülüstan qəsəbəsi bina 48, Atatürk prospektində yerləşən 247-ci kvartal, bina 6A ünvanında yaşayış evlərinin dam örtüklərində və novdanlarında təmir işləri həyata keçirilib.
Adıçəkilən ünvanlarda novdanlarda və dam örtüklərindəki yaranan nasazlıqlar aradan qaldırılıb, yararsız hala düşən novdanlar yenisi ilə əvəzlənib.
Qeyd edək ki, Gəncə şəhər ərazisində bir müddət əvvəl güclü külək nəticəsində binaların dam örtüklərində yaranan problemlər də mərhələli şəkildə həll edilir.
