Xəbər verdiyimiz kimi, smart tipli qaz sayğaclarında balansın artırılması ilə bağlı ciddi çətinliklər olub.
Gencexeber.az-a məsələ ilə bağlı Gəncə Regional Qaz İstismar İdarəsinin Gəncə Xidmət Sahəsindən bildirilib ki, vətəndaşların ödəniş terminalları vasitəsilə karta vəsait yükləyərkən üzləşdikləri problem aradan qaldırılıb. Hazırda smart tipli qaz sayğaclarının balansını artırmaq mümkündür və heç bir məhdudiyyət yoxdur.
Qeyd edək ki, son iki gün ərzində "Azəriqaz" İB xidmətində, xüsusilə "Zenner" ödənişləri üzrə texniki nasazlıq müşahidə olunub. Problem isə ümumi "Azəriqaz" sistemindən qaynaqlanıb.
