Gəncədə norma və qaydalara əməl olunmayan tikililər aşkarlanıb.
Gencexeber.az Gəncə Şəhər İcra Hakimiyyətinə istinadən məlumat verir ki, şəhərin Gülüstan yaşayış massivinin ərazisində aşkarlanmış dövlət mülkiyyətində olan torpağın zəbtinin qarşısı alınıb. Bununla yanaşı, Hacıkənd qəsəbəsində qanunsuz şəkildə yüngül konstruksiyalardan qurulmuş qeyri-qanuni obyektlərin söküntüsü də təmin edilib.
Sözügedən işlər adıçəkilən qurumun yanında, şəhərdə norma və qaydalara riayət olunmadan aparılan tikintilərin müəyyən edilməsi məqsədilə yaradılan komissiyanın üzvləri, Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələləri Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələri ilə birgə həyata keçirilib.
