Gəncə şəhərində yol-nəqliyyat hadisəsi baş verib.
Gencexeber.az-ın məlumatına görə, qəza şəhərin Vəli Xuluflu küçəsi ilə Şah İsmayıl Xətai prospektinin kəsişməsində qeydə alınıb. Hərəkətdə olan "Kia" markalı avtomobil "Chevrolet" markalı maşına çırpılıb.
İlkin məlumata əsasən, "Kia"nın sürücüsü 1991-ci il təvəllüdlü Elnarə Şahbazova idarəetməni itirib. Avtomobil əvvəlcə digər nəqliyyat vasitəsi ilə toqquşub, daha sonra yolun kənarı ilə hərəkət edən 1985-ci il təvəllüdlü Nəsibə Alıhüseyinlini vurub. Hər iki şəxs xəsarət alıb. Yaralılar Gəncədəki xəstəxanalardan birinə yerləşdirilib.
Qeyd edək ki, "Chevrolet" markalı avtomobilin sürücüsü 1991-ci il təvəllüdlü Anar Sadıxlı xoşbəxtlikdən xəsarət almayıb.
Avtomobillərə ciddi ziyan dəyib.
Hadisə yerinə polis əməkdaşları cəlb olunub, faktla bağlı araşdırma aparılır.
