Xəbər verdiyimiz kimi, Gəncədə “avtoşlar” sakinlərin həyatını nümayişkaranə şəkildə təhdid edib.
Daxili İşlər Nazirliyinin Mətbuat xidmətinin Gəncə regional qrupunun baş inspektoru Eşqin Qasımov Gencexeber.az-a bildirib ki, Gəncə Şəhər Baş Polis İdarəsinin Dövlət Yol Polisi Şöbəsində redaksiyamız tərəfindən yayımlanan görüntülərlə bağlı araşdırma aparılıb.
Qeyd edilib ki, VAZ markalı avtomobilin istismarı dayandırılaraq mühafizə olunan duracağa yerləşdirilib. Sürücü X.Bayramalıyev barəsində isə inzibati protokol tərtib olunaraq məhkəməyə göndərilib.
Xatırladaq ki, şəhərin Şahsevənlər küçəsində, Gəncə Humanitar Kollecin yerləşdiyi ərazidə müxtəlif avtomobillərin sürücüləri ictimai asayişi pozub. Nəqliyyat vasitələri təyinatı üzrə deyil, sürətli və təhlükəli manevrlə idarə edilib. Həmçinin irad bildirən piyada xanıma nümayişkaranə şəkildə əl sallayaraq “vecimizə deyil” mesajı ötürülüb.
