Gəncənin ən ləziz və ən şirin bayram ənənələrindən biri olan paxlavaya həsr edilən xüsusi tədbir təşkil olunacaq.
Gencexeber.az məlumat verir ki, Novruz süfrəsini bəzəyən ən gözəl təamlardan biri paxlavadır. Paxlava isə qədim zamanlardan bəri Gəncənin ən ləziz və ən şirin ənənələrindən biri hesab olunur.
Məhz bu ənənəni yaşatmaq məqsədilə 14 mart tarixində saat 12:00-dan 17:00-dək Gəncə Dünya Məktəbində Paxlava Festivalı təşkil ediləcək.
Tədbir çərçicəsində iştirakçılara aşağıdakılar təqdim ediləcək:
- Novruz adət-ənənələri;
- Novruz şirniyyatları;
- Bayram konserti;
- Milli mətbəxin ləziz nümunələri;
- Kəndirbaz və pəhləvan çıxışları;
- Maraqlı idman oyunları;
- Gəncə sənətkarlıq nümunələri.
Qeyd edək ki, festival hər kəs üçün açıq olacaq.
