Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin Şıxzamanlı qəsəbəsinin Qəzənfər Kərim oğlu küçəsində, 3 saylı orta məktəbin yaxınlığında və 10 saylı uşaq bağçasının ətrafında təmizlik aksiyası təşkil olunub.
Gencexeber.az bildirir ki, MKTİB-nin Ərazi Xidmət Sahələrinin əməkdaşları və qurumun texnikaları vasitəsilə adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib, arxlarda təmizlik işləri görülüb.
Yığılan tullantılar bir yerə toplanaraq ərazidən daşınması təmin edilib. Sözügedən ərazilərdə mövcud olan zibil qutuları boşaldılıb, ətrafı isə təmizlənərək səliqəli şəkilə salınıb.
