Gəncədə ali təhsil ocağının müəlliminə elmi ad verilib.
Gencexeber.az-ın məlumatına görə, Gəncə Dövlət Universitetinin Riyaziyyat və İnformatika fakültəsinin İnformatika və cəbr kafedrasının müəllimi Kəmalə Salmanovaya Azərbaycan Respublikası Prezidenti yanında Ali Attestasiya komissiyası tərəfindən “Kompüter elmləri” üzrə dosent elmi adı verilib.
Qeyd edək ki, elmi-pedaqoji fəaliyyəti ilə seçilən Kəmalə Salmanova uzun illərdir ki, universitetdə çalışır, informatika sahəsində tədris və tədqiqat işlərinə mühüm töhfələr verir. Onun elmi nailiyyətləri və tələbələrlə uğurlu işi bu elmi adla qiymətləndirilib.
