Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən şəhərin bir neçə ərazisinə mövsümü güllər əkilib.
Gencexeber.az bildirir ki, yaşıllaşdırma aksiyasının budəfəki ünvanı şəhərin baş meydanı, Gəncə Dövlət Filarmoniyasının ətrafı və "Avropa Gənclər paytaxtı 2016" parkı olub.
MKTİB-nin gülçülük və tingçilik təsərrüfatında yerli mütəxəssislər tərəfindən yetişdirilən müxtəlif güllər adıçəkilən ərazilərə əkilib. Bitkilərin daha uzunömürlü olması üçün əkindən öncə ərazi şumlanıb, torpaq, torf və müxtəlif gübrələrlə zənginləşdirilib.
Qeyd edək ki, yaz fəslinin gəlişi ilə əlaqədar olaraq MKTİB-nin Yaşıllaşdırma şöbəsi şəhərin park və xiyabanlarına, küçə və prospektlərinə mövsümi güllərin əkinini artıq bir müddətdir ki, davam etdirir.
