Gəncə şəhər M.Hadi adına 10 nömrəli tam orta məktəbdə təhlükəsizlik tədbirləri çərçivəsində yeni nəzarət sistemi tətbiq olunub.
Gencexeber.az-ın məlumatına görə, məktəbdə çəkilən maarifləndirici videoçarxda şagirdlərin məktəbə giriş zamanı xüsusi təhlükəsizlik çərçivəsindən – metalaxtaran qurğudan keçərək yoxlanıldığı əks olunub. Tədbirin əsas məqsədi məktəbdaxili nizam-intizamı gücləndirmək, təhlükəsiz təhsil mühitini təmin etmək və potensial risklərin qarşısını almaqdır.
Məktəb rəhbərliyi tərəfindən bildirilib ki, bu tədbirlər valideynlər və şagirdlərin təhlükəsizliyinin təmin olunmasına xidmət edir. Təhlükəsizlik qaydalarının davamlı şəkildə tətbiqi planlaşdırılır.
